Նիդերլանդների հելսինկյան կոմիտեի ֆինանսական աջակցությամբ ընթացող AISPIRA ծրագրի շրջանակներում անցակցվեցին «Քրեական ենթամշակույթ» թեմայով երկօրյա վերապատրաստումներ: Վերապատրաստումը իրականացվել է ՀՀ ԱՆ «Իրավական կրթության և վերականգնողական ծրագրերի իրականացման կենտրոն» ՊՈԱԿ-ի համակարգմամբ, իսկ շահառուներն էին ՀՀ ԱՆ Պրոբացիայի ծառայության կենտրոնական և տարածքային մարմինների աշխատակիցները։ Դասընթացավարներ Արշակ Գասպարյանի (փորձագետ, «Սոցիալական արդարություն» ՀԿ) և Անտոն Քելբակիանիի (Վրաստան) հետ քննարկվել են քրեական ենթամշակույթին նպաստող գործոնները, դրանց վերացմանն ուղղված հնարավոր լուծումները, ուսումնասիրվել են քրեական ենթամշակույթի դեմ պայքարի՝ Մոլդովայի և Վրաստանի փորձերը, կատարվել է Հայաստանի և Վրաստանի քրեական իրավունքի համակարգերի համեմատական վերլուծություն, ինչպես նաև նշված երկրների կոնկրետ օրինակներով իրականացվել են գործնական աշխատանքներ: (18-19.07.2024) Ավելին >>>
2024թ.-ի հունիսի 7-ին տեղի ունեցավ «Աջակցություն Համապարփակ և ընդլայնված գործընկերային համագործակցության համաձայնագրի (ՀԸԳՀ) իրականացմանը, մշտադիտարկմանը և հաղորդակցմանը» ծրագրի շրջանակում գործարկված «Քաղաքացիական հասարակության կողմից ՀԸԳՀ-ի մշտադիտարկման առցանց հարթակի» (www.cepacso.am) շնորհանդեսը։
Առցանց Հարթակը նոր և լրացուցիչ հնարավորություն կստեղծի քաղաքացիական հասարակության ներկայացուցիչների համար, ովքեր հետաքրքրված են Հայաստանի և Եվրոպական միության միջև կնքված «Համապարփակ և ընդլայնված գործընկերային համաձայնագրի» առավել թափանցիկ և հաշվետու իրականացման շուրջ կատարված մշտադիտարկումների, ուսումնասիրությունների, քաղաքականությունների ներկայացմամբ, դրանց շուրջ մտքերի փոխանակման և արդյունավետ ջատագովության իրականացման հարցերով։ Հանդիպմանը #Juremonia հարթակը ներկայացված էր ի դեմս «Սոցիալական արդարություն» ՀԿ-ի: (07.06.2024)
2024թ.-ի մայիսի 24-ին ՀՀ արդարադատության նախարարությունում կազմակերպվել էր քննարկում, որը Դատավորների ընդհանուր ժողովի Էթիկայի և կարգապահական հարցերի հանձնաժողովի բարեփոխումների հայեցակարգի վերաբերյալ էր: Ներկայացված հայեցակարգի առանցքային կետերից մեկը Դատավորների ընդհանուր ժողովի Էթիկայի և կարգապահական հարցերի հանձնաժողովի ընտրության կարգի բարեփոխման հարցն էր` բացառելու համար դատական կորպորատիվիզմի դրսևորումները: Քննարկվեց նաև «Հայաստանի Հանրապետության դատական օրենսգիրք» -ի սահմանադրական օրենքում համապատասխան փոփոխություններ և լրացումներ կատարելու մասով աշխատանքների իրականացման անհրաժեշտությունը։ «Սոցիալական արդարություն» ՀԿ-ն քննարկմանը հրավիրված հասարակական կազմակերպությունների շարքում էր: Հաշվի առնելով հասարակական կազմակերպությունների ներկայացուցիչների դիտարկումները որոշվեց, որ հետագա քննարկմանը կներկայացվի «Հայաստանի Հանրապետության դատական օրենսգիրք» սահմանադրական օրենքում համապատասխան փոփոխություններ և լրացումներ կատարելու նախագծի երկու տարբեր մոտեցումներ։ (24.05.2024)
«Սոցիալական արդարություն» ՀԿ-ի նախագահ Արշակ Գասպարյանը մասնակցել է ապրիլի 11-ին և մայիսի 17-ին ՀՀ ԱՆ նախարարությունում կայացած աշխատանքային քննարկմանը, որը վերաբերում էր «Պրոբացիայի ծառայության մասին» և կից օրենսդրական փաթեթին: Ա. Գասպարյանը հանդիսանում է «Պրոբացիայի մասին» օրենքում փոփոխություններ և լրացումներ կատարելու մասին օրենքի նախագիծը մշակելու, անհրաժեշտ օրենսդրական փաթեթ նախապատրաստելու նպատակով ստեղծված աշխատանքային խմբի անդամ (11.04.2024, 17.05.2024)
«Սոցիալական արդարություն» ՀԿ-ի ներկայացուցիչները մասնակցել են ՀՀ ԱՆ նախարարի տեղակալ Լևոն Բալյանի մասնակցությամբ տեղի է ունեցած Պատիժը կրելուց պայմանական վաղաժամկետ ազատման համակարգի վերանայման հայեցակարգի հանրային քննարկմանը: Հայեցակարգը մշակվել է արդարադատության նախարարի հրամանով ստեղծված աշխատանքային խմբի կողմից՝ ներգրավված փորձագետների, քաղաքացիական հասարակության ներկայացուցիչների համատեղ ջանքերով: «Սոցիալական արդարություն» ՀԿ-ն ևս ներգրավված է եղել հայեցակարգի մշակման աշխատանքային խմբում, որի հիմքում դրվել է անձի վերասոցիալականացումը: Նոր հայեցակարգի ներկայացումից և հարց ու պատասխանի փուլից հետո հանդիպման պայմասնակիցները պայամանավորվածություն են ձեռք բերել ներկայացնել գրավոր առաջարկներ: Հանդիպումն իրականացվել է ԵԽ-ի կողմից «Ազատությունից զրկված անձանց իրավունքների պաշտպանության ամրապնդումը» ծրագրի շրջանակներում: (15.05.2024) Ավելին>>>
2024թ.-ի ապրիլի 16-18-ը Նիդերլանդների թագավորության Հաագա քաղաքում ընթացավ Պրոբացիոն և վաղաժամկետ ազատման թեմայով համաշխարհային 6-րդ համագումարը
#WCPP2024 #TheFutureOfProbationAndParole
«Սոցիալական արդարություն» ՀԿ նախագահ Արշակ Գասպարյանը համագումարին ներկայացրել է «Պատժից պայմաններով վաղաժամ ազատման համակարգերում պրոբացիայի դերն ու կատարելագործումը» թեմայով զեկույցը: Նիդերլանդների Հելսինկյան կոմիտեի հրավերով Ա.Գասպարյանը ՀՀ ԱՆ Պրոբացիայի և քրեակատարողական ծառայությունների աշխատակիցների հետ միասին, Հաագա մեկ շաբաթյա այցի շրջանակներում , մասնակցում է նաև ոլորտային բազմաֆորմատ աշխատաժողովների եվ հանդիպումների: (16-18.04.2024) Ավելին>>>
2024թ.-ի ապրիլի 4-ին Արդարադատության նախարարի տեղակալ Լևոն Բալյանի գլխավորությամբ տեղի է ունեցել Եվրոպայի Խորհրդի կողմից իրականացվող «Ազատությունից զրկված անձանց իրավունքների պաշտպանության ամրապնդումը» ծրագրի շրջանակներում մշակված դատապարտյալների ռիսկերի և կարիքների գնահատման գործիքի պիլոտավորման զեկույցի քննարկումը: Ծրագրում ներգրավված փորձագետ է նաև «Սոցիալական արդարություն» ՀԿ նախագահ Արշակ Գասպարյանը : (04.04.2024) Ավելին>>>
«Սոցիալական արդարություն» ՀԿ-ի ներկայացուցիչները մասնակցել են Միջազգային բանտային բարեփոխումներ (Penal Reform International) կազմակերպության նախաձեռնած կլոր-սեղան քննարկմանը, որը վերաբերում է քրեական արդարադատության ոլորտի բարեփոխումներին:
- Քրեակատարողական համակարգին առնչվող հիմնախնդիրներ
- Ազատման մեխանիզմներ և վերասոցիալականացման հիմնախնդիրներ
- Առողջապահական ծառայություններ և դրանց հասանելիության հիմնախնդիրներ
«Սոցիալական արդարություն» ՀԿ-ի ներկայացուցիչները մասնակցել են Պայմանական վաղաժամկետ ազատման խնդիրների թեմայով աշխատաժողովին` հրավիրված Արդարադատության նախարարության կողմից: ՀԿ-ի ներկայացուցիչները ստեղծված աշխատանքային խմբի անդամ են (22.12.2023) Ավելին>>>
«Սոցիալական արդարություն» ՀԿ-ի ներկայացուցիչները մասնակցել են Ոստիկանության գվարդիայի մասին օրենքին և հարակից իրավական ակտերին նվիրված կլոր սեղան-քննարկմանը (23.11.2023) Ավելին>>>
«Սոցիալական արդարություն» ՀԿ-ի ներկայացուցիչները մասնակցել են Ռաուլ Վալենբերգի անվան մարդու իրավունքների և մարդասիրական իրավունքի ինստիտուտի ու Իրավական կրթության և վերականգնողական ծրագրերի իրականացման կենտրոն ՊՈԱԿ-ի կողմից կազմակերպված ՀՀ քրեակատարողական և պրոբացիայի ոլորտի 2023-2026թթ․ ռազմավարությանը նվիրված քննարկմանը (14.09.2023) Ավելին>>>
«Սոցիալական արդարություն» ՀԿ-ի ներկայացուցիչները մասնակցել են Եվրոպայի խորհուրդի և ՀՀ ներքին գործերի նախարարության կազմակերպած կլոր սեղան-քննարկմանը՝ նվիրված «Ոստիկանական գվարդիայի մասին» նոր օրենքի մշակման և այլ հարակից իրավական ակտերում փոփոխություններ կատարելու վերաբերյալ հայեցակարգային փաստաթղթին։ (25-25.07.2023) Ավելին>>>
«Սոցիալական արդարություն» ՀԿ-ի նախագահ նախագահ, քրեական արդարադատության փորձագետ Արշակ Գասպարյանի հարցազրուցը 1in TV-ին (06.06.2023):
«Սոցիալական արդարություն» ՀԿ-ի նախագահ Արշակ Գասպարյանի փորձագիտական մասնակցությամբ ընթացել է Քրեական պատիժների ոլորտում վերականգնողական արդարադատության սկզբունքների կատարելագործում և պատժի նպատակների արդյունավետ իրացում․ Քրեակատարողական և պրոբացիայի ոլորտի ռազմավարության քննարկումը (05.06.2023): Ավելին>>>
«Սոցիալական արդարություն» ՀԿ-ի հանրային կապերի պատասխանատուն մասնակցել է ԵՄ ֆինանսական աջակցությամբ իրականացվող ծրագրերի տեսանելիության և հաղորդակցման գործունեության բարելավման թեմայով վերապատրաստմանը (18.04.2023):
«Սոցիալական արդարություն» ՀԿ-ի ներկայացուցիչները մասնակցել են Մարդու իրավունքների պաշտպանության ազգային ռազմավարությունից բխող 2023-2025թթ. գործողությունների ծրագրի նախագծի հանրային քննարկմանը (27-30.03.2023): Ավելին>>>
«Սոցիալական արդարություն» ՀԿ-ի ներկայացուցիչները մասնակցել են Անչափահասների արդարադատության խորհրդի նիստին (28.03.2023): Ավելին>>>
«Սոցիալական արդարություն» ՀԿ-ի ներկայացուցիչները ընդգրկվել են ՀՀ ՆԳՆ ոստիկանության կրթահամալիրում Պարեկային ծառայությունում պաշտոնի նշանակվելու նպատակով չորրորդ հոսքի ուսուցման ընդունելության հանձնաժողովներում (12.03.2023):
«Սոցիալական արդարություն» ՀԿ-ի նախագահ Արշակ Գասպարյանը Միջազգային իրավական համագործակցության գերմանական հիմնադրամի (IRZ) գործընկերների հետ մասնակցել է նոր քրեակատարողական հիմնարկի լուծումների թեմայով քննարկմանը (22.11.2022): Ավելին>>>
«Սոցիալական արդարություն» ՀԿ-ի ներկայացուցիչ Անուշ Դանոյանը մասնակցել է SOS Children’s Villages Armenia-ի և Eurasia Partnership Foundation-Armenia-ի փորձագետների կողմից կազմակերպված «Ֆոնդերի հայթայթում և ծրագրային փուլի կառավարում» թեմայով վեցօրյա դասընթացին: Ծրագրի նպատակն է զարգացնել մասնակիցների կարողությունները կազմակերպության ֆոնդահայթայթման և ծրագրերի կառավարման գործողություններում (11.07.2022): Ավելին >>>
«Սոցիալական արդարություն» ՀԿ-ի նախագահ, քրեական արդարադատության միջազգային փորձագետ Արշակ Գասպարյանը ղեկավարել է նոր քրեակատարողական հիմնարկի մոդելի մշակման աշխատանքային խումբը (08.07.2022):