2025թ.-ի հուլիսի 16-ին «Հայաստանում արդարադատության ոլորտի բարեփոխումներիմշտադիտարկում» ծրագրի կոնսորցիումի երկու անդամների` «Սոցիալական արդարություն» ՀԿ-ի և«Միջազգային բանտային բարեփոխումներ» կազմակերպության (PRI) ջանքերով կազմակերպել էր հանդիպում, որի նպատակը «Քրեակատարողական հիմնարկներում ինքնասպանությունների և ինքնավնասման կանխարգելման և անձնական խուզարկությունների կիրառման կարգավորումների» թեմաներով մշակված ուղենիշային փաստաթղթերի քննարկումն էր։
Միջոցառմանը մասնակցում էին ՀՀ արդարադատության նախարարի տեղակալ Գևորգ Քոչարյանը, ՀՀ ԱՆ քրեակատարողական ծառայության ներկայացուցիչներ, ինչպես նաև #Ջուրեմոնիա հարթակի գործընկեր և ոլորտային այլ հասարակական կազմակերպությունների ներկայացուցիչներ։
Բացման խոսքով հանդես եկավ «Սոցիալական արդարություն» ՀԿ նախագահ Գայանե Հովակիմյանը՝ առանձնացնելով քննարկման նպատակը, իրականացված աշխատանքների բովանդակային սպեկտորը: Հատուկ շեշտադրվեց արված աշխատանքների ընթացքում և հետագայում դրանց ներդրման ժամանակ ՀՀ Արադարադատության նախարարության հետ սերտ համագործակցության կարևորությունը:
Ողջույնի խոսքով հանդես եկավ նաև ծրագրի ղեկավար և կոնսորցիումի անդամ Նիդերլանդների հելսինկյան կոմիտեի ներկայացուցիչ Գայա Ռիետվելդը, ով ներկայացրեց ծրագրի հիմնական ուղղությունները՝ ընդգծելով միջազգային գործընկերների կարևոր աջակցությունը տվյալգործընթացում։
ՀՀ ԱՆ նախարարի տեղակալ Գ․ Քոչարյանը իր ելույթում առանձնացրեց նման քննարկումների և փաստաթղթերի նշանակությունը՝ արդարադատության համակարգում ընթացող բարեփոխումների համատեքստում։
Քննարկման սեղանին դրված երկու ուղենիշային փաստաթղթերը
- Քրեակատարողական հիմնարկներում անձնական խուզարկությունների կանոնակարգերը
- Քրեակատարողական հիմնարկներում ինքնասպանությունների և ինքնավնասումներիկանխարգելում
մշակվել էին «Միջազգային բանտային բարեփոխումներ» կազմակերպության տարածաշրջանային տնօրեն Տիրա Ճանտուրիայի կողմից։ Աշխատանքներին իր լրամշակումներով և ուղղորդումներով աջակցել է «Սոցիալական արդարություն» ՀԿ նախագահ Գայանե Հովակիմյանը
Տ. Ճանտուրիան միջոցառման ընթացքում ներկայացրեց փաստաթղթերի բովանդակությունը՝ հիմնված միջազգային չափանիշների և լավագույն փորձի ուսումնասիրությունների վրա։ Յուրաքանչյուր փաստաթղթի ներկայացումից հետո տեղի ունեցան խորքային քննարկումներ, որոնց ընթացքում քրեակատարողական ծառայության ներկայացուցիչները ներկայացրին գործող պրակտիկան, առկա խնդիրները և դրանց զուգակցումը միջազգային փորձի հետ։
Գործընկեր հասարակական կազմակերպությունների ներկայացուցիչները ևս բարձրացրին խնդիրներ, որոնք արձանագրվել էին ՔԿՀ-ներ մշտադիտարկման այցերի և ոլորտային հետազոտությունների ընթացքում։
Գործող իրավիճակը վերլուծելու և հնարավոր լուծումներ առաջադրելու տեսանկյունից այս քննարկումը դարձավ արդյունավետ հարթակ պետական մարմինների և քաղաքացիականհասարակության ներկայացուցիչների համար:
Հաջորդիվ կշրջանառվեն մշակված փաստաթղթերը` դրանց լրամշակելու, թարգմանության և ներդրման նկատառումով:
Կարդացեք նաև`
- Քննարկվել են ազատազրկման վայրերում ինքնասպանությունների և ինքնավնասման կանխարգելման վերաբերյալ հարցեր
- Աշխատանքային քննարկում՝ քրեակատարողական համակարգի ներկայացուցիչների և քաղաքացիական հասարակության կազմակերպությունների միջև
- Քննարկվել են ազատազրկման վայրերում ինքնասպանությունների և ինքնավնասման կանխարգելման վերաբերյալ հարցեր
- ՖԲ. Քննարկվել են ազատազրկման վայրերում ինքնասպանությունների և ինքնավնասման կանխարգելման վերաբերյալ հարցեր