2023թ.-ի հոկտեմբերի 5-ի և 13-ի #Juremonia հարթակի քննարկումները Արցախում հարուցված քրեական գործերի կամ արդեն կայացված դատական ակտերի ՀՀ օրենսդրությանը համապատասխանեցնելու վերաբերյալ էին։
Հարցերը, որոնց շուրջ ծավալվեցին երկօրյա քննարկումները հետևյալն էին.
- Արցախում կայացած դատական ակտերի համապատասխանեցումը ՀՀ օրենսդրությանը,
- Արցախից տեղափոխված և անազատության մեջ գտնվող անձանց պահման իրավական հիմքերը,
- Արցախում կայացած դատական և իրավական այլ ակտերի կիրառման հնարավորությունները ՀՀ տարածքում:
Հավելյալ խոսվեց նաև վերոհիշյալ խնդիրների լուծման տարբերակների և համապատասխան մարմիններին առաջարկությունների փաթեթ ներկայացնելու մասին:
Հարթակի անդամների, ծրագրի իրավախորհրդատուի և փորձագետների համատեղ ջանքերով կկազմվի գրություն-առաջարկ` այն ՀՀ ԱՆ ներկայացնելու, և քննարկում կազմակերպելու նպատակով:
