Հոկտեմբերի 19-ին Իջևան քաղաքում կայացավ, ԵՄ ֆիանանսական աջակցությամբ ընթացող, «Հայաստանում արդարադատության ոլորտի բարեփոխումների մշտադիտարկում» (www.juremonia.am) ծրագրի մարզային հերթական այցը:
Ծրագրով պլանավորված այցերի նպատակն է`
- մարզային ՀԿ-ների մասնակցությամբ կազմակերպել քննարկումներ, որոնք ամեն անգամ կվերաբերենարդարադատության բարեփոխումների տարբեր տարրերի (դատական համակարգ, ոստիկանություն, , հակակոռուպցիոն, ՔԿՀ/Պրոբացիա ռազմավարություն),
- վեր հանել արդարադատության ոլորտի բարեփոխումներին առնչվող տեղական ՀԿ-ների գործունեության շրջանակը,
- դուրս բերել արդարադատության բարեփոխումների ռազմավարություններով պայմանավորված խնդիրները և դրանց լուծումներ տալու ուղղությամբ ձեռնարկել քայլեր:
Ծրագրի համակատարող «Սոցիալական արդարություն» ՀԿ-ի նախաձեռնությամբ և Իջևանում գործունեություն իրականացնող «Քաղաքացիական Երիտասարդական Կենտրոնի» համաձայնությամբ հանդիպումը կայացավ վերջիններիս հարկի տակ, ուր ներկա էին Տավուշի մարզում գործունեություն իրականացնող շուրջ 10 ՀԿ-ների ներկայացուցիչներ:
Հանդիպման սկզբում «Սոցիալական արդարություն» ՀԿ-ի ղեկավար, քրեական արդարադատության միջազգային փորձագետ Արշակ Գասպարյանը ներկայացրեց ծրագիրը, գործընկեր կազմակերպւոթյուններին և ոլորտային ծածկույթը, իսկ ներկաներից յուրաքանչյուրը համառոտներկայացրեց իր կազմակերպությունը և արդարադատության ոլորտին առնչվող իրենց գործունեությանշրջանակը։
Այնուհետև Հարթակի քարտուղարության գործառույթները իրականացնող Քրիստինե Սարգսյանը ներկայացվեց ծրագրի մաս կազմող #Ջուրեմոնիա հարթակը։ Հարթակը ստեղծված է աջակցելու քաղաքացիական հասարակությանը արդարադատության ոլորտին առնչվող խնդիրների դուրսբերման, բարձրաձայնման, ոլորտի դերակատարներին առաջարկությունների ներկայացման և ջատագովության խթանման հարցերում։ Ընդհանուր առմամբ այս հանդիպմանը ավելի մանրամասն խոսվեց դատաիրավական, ոստիկանության, քրեակատարողական բարեփոխումներից, ինչպես նաև քննարկվեց Հայաստանում անչափահասների արդարադատության և երիտասարդների հանցավորության կանխարգելման քաղաքականության հարցերը: Այս հարցով Հարթակի անունից արդեն իսկ պատրաստվել է Տեղեկանք և ներկայացվել է ՆԳՆ` դրանում փոփոխություններ մտցնելու ջատագովությամբ:
Հանդիպման ավարտին ներկայացվեց ծրագրի շրջանակում արդարադատության բարեփոխումների համատեքստում դրամաշնորհների մրցույթների մասին, որոնք տրամադրվել և տրամադրվելու են ՀԿ-ներին, մեդիա կառույցներին և ԲՈՒՀ-երին:
Հնչեց առաջարկ կրկին իրականացնել վերապատրաստումներ` արդարադատության ոլորտում մշտադիտարկման իրականացման գործիքների և ոլորտային առանձնահատկությունների թեմաներով:
Տավուշի մարզի ՔՀԿ-ների հետ հանդիպման ժամանակ իրականացվեց նաև համագորցակցություն մարզային մեդիայի հետ` #Juremonia ծրագրի մասին իրազեկությունը տվյալ մարզում բարձրացնելուն պատակով:
Այս հանդիպման նախօրեին մեր գործընկերների` <<Տավուշ մեդիա>> հեռուստաընկերության ռեսուրսներով մարզային հանդիպման լուրը տարածվեց ՀԸ-ն կայքում և Facebook-յան էջում, իսկ բուն հանդիպման օրը նկարահանվեց հաղորդում, որը հեռարձակվեց ինչպես YouTube -յան հարթակում, այնպես էլ հանրապետական սփռում ունեցող Տավուշ Մեդիա հեռուստաընկերությամբ:
