«Հայաստանում արդարադատության ոլորտի բարեփոխումների մշտադիտարկում» ծրագրի շրջանակներում կիրականացվի 3-օրյա սեմինար լրագրողների համար:
Օրը` մայիս 31-ից հունիս 2, 2023
Վայրը`Պարկ Ռեզորթ Աղվերանում (Կոտայքի մարզ)
Սեմինարի թեման.
«Ռազմավարությունների փաստահեն մշտադիտարկում․ Լրատվամիջոցների դերը»
Սեմինարի ընթացքում կներկայացվեն հետևյալ թեմաները՝
- HRW չափորոշիչներ և մոտեցումներ հաշվետվության և շահերի պաշտպանության վերաբերյալ,
- Ռազմավարական դատավարությունից մինչև օրենսդրական փոփոխություններ. ինչպես իրավապաշտպան ՀԿ-ները և լրագրողները կարող են համատեղ գործել
- Տվյալների հավաքագրման, փաստաթղթավորման և մշտադիտարկման ստանդարտներ և մոտեցումներ
Սեմինարը անցկացնելու են «Human Rights Watch» հասարակական կազմակերպության Եվրոպայի և Կենտրոնական Ասիայի բաժնի ներկայացուցիչ Տանյա Լոքշինան, «Public Verdict Foundation» հասարակական կազմակերպության և տնօրեն Նատալիա Տաուբինան և տեղական փորձագետները։ Սեմինարի ընթացքում կներկայացվեն Քրեակատարողական և պրոբացիայի ոլորտի, ՀՀ Ոստիկանության բարեփոխումների, ՀՀ դատական և իրավական բարեփոխումների և ՀՀ 2019-2022 թվականների հակակոռուպցիոն ռազմավարությունները։
Սեմինարին մասնակցած լրագրողների լրատվամիջոցները հաջորդ տարի հնարավորություն կստանան դիմել համապատասխան թեմաներով փոքր դրամաշնորհների։
Բոլոր ծախսերը հոգում են կազմակերպիչները։ Աշխատանքային լեզուները՝ հայերեն և անգլերեն։
Հայտերը (լրատվամիջոցի անունը, մասնակցի անուն,ազգանուն և հեռախոսահամար) կարելի է ուղարկել մինչ ս․թ․ մայիսի 29-ը ani@csi.am էլ․ հասցեին։
Հարցերի դեպքում զանգահարել հետևյալ հեռախոսահամարներով 094807807՝ Արտակ Կիրակոսյան, 098545593՝ Անի Յախշիբեկյան։
Հ.Գ.
«Հայաստանում արդարադատության ոլորտի բարեփոխումների մշտադիտարկում» նախագիծը իրականացվում է ԵՄ ֆինանսական աջակցությամբ` Նիդերլանդների հելսինկյան կոմիտեի, «Միջազգային բանտային բարեփոխումներ» կազմակերպության, «Քաղաքացիական հասարակության ինստիտուտ» ՀԿ-ի և «Սոցիալական արդարություն» ՀԿ-ի կոնսորցիումի կողմից: